کەشناسیی هەرێم رایدەگەیەنێت، لە ئەنجامى شەپۆلى خۆڵبارین لە کاتەکانى شەوى چوارشەممە بۆسەر ناوەڕاستى عێراق، ئەگەرى هاتنى بەشێک لەم تۆزوخۆڵە بۆ سەر ناوچەکەمان هەیە.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان بڵاویکردەوە، ئەمڕۆ سێشەممە ئاسمان ساماڵ و پەڵەهەور دەبێت، لە سنوورى پارێزگاى دهۆک و ناوچە سنوورییەکان نیمچەهەور دەبێت.
دەشڵێت، پلەی گەرمی بەراورد بە تۆمارەکانی دوێنێ، بەرز دەبێتەوە.
لەبارەی کەش و پلەی گەرمیی سبەی چوارشەممەوە، کەشناسی پێشبینی دەکات، ئاسمان ساماڵ و پەڵەهەور دەبێت و لە ئێوارە و شەودا، ئەگەرى بەرزبوونەوەى تۆز و خۆڵى کەم هەیە بۆ سەر بەشێک لە ناوچە جیاجیاکان و پلەی گەرمییش، کەمێک بەرزتر دەبێتەوە بەراورد بە تۆمارکراوەکانی ئەمڕۆ.
پلەی گەرمیی پێشبینیکراو:
هەولێر : 39 پلەی سیلیزی
سلێمانی : 37 پلەی سیلیزی
دهۆک : 38 پلەی سیلیزی
کەرکوک : 43 پلەی سیلیزی
زاخۆ : 39 پلەی سیلیزی
هەڵەبجە :38 پلەی سیلیزی
سۆران : 36 پلەی سیلیزی
حاجی ئۆمەران : 25 پلەی سیلیزی
گەرمیان :43 پلەی سیلیزی
