رۆژنامەی نیویۆرک تایمز بڵاویکردەوە، دوێنێ دووشەممە، ئۆتۆمبێلێک خۆیکردووە بەناو کۆمەڵێکی زۆر لە هاندەرانی یانەی لیڤەرپووڵدا و بەهۆیەوە نزیکەی 50 کەس بریندابوون.
بەپێی هەواڵی رۆژنامەکە، ئەم رووداوە لەکاتێکدا بووە، کە یانەی لیڤەرپووڵ لە شەقامەکانی ئەو شارەدا ئاهەنگی بەدەستهێنانی نازناوی پرێمەرلیگیان لەگەڵ هاندەراندا، گێڕاوە.
پۆلیسی لیڤەرپووڵ کەمێک پاش رووداوەکە، شۆفێری ئۆتۆمبێلەکەیان دەستگیرکرد و بەپێی لێکۆڵینەوەکان، تەمەنی 53 ساڵە و بەتەنها ئەو کارەی کردووە.
رۆژنامەی نیویۆرک تایمز باسیلەوەشکردووە، لەو 50 کەسەی برینداربوون، برینی دووانیان سەختە و چواریشیان، منداڵن.
