بەڕێوەبەرایەتیی گشتیی كارەبای سلێمانی رایدەگەیەنێت، كێشەی هێڵی 33 كەیی ڤی پڕۆژەی ئاوی سلێمانی چارەسەركرا.
بەپێی راگەیەندراوێكی بەڕێوەبەرایەتیی گشتیی كارەبای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای ئەوەی بەرەبەیانی ئەمڕۆ یەكشەممە كێشە لە هێڵی 33 كەی ڤی (وێستگەی دوكان ABB- پڕۆژەی ئاوی سلێمانی) دروستبوو كە بووە هۆی راگرتنی پڕۆژەی ئاوی سلێمانی.
هەر لە راگەیەندراوەكەدا هاتووە، هەر ئەمڕۆ لە لایەن هۆبەی گۆڕەر و كێبڵات بە هاوكاریی هۆبەی ئامێرەكان توانرا كێشەكە دیاریبكرێت كە تەقینی كێبڵ روویدابوو و دواتر لە ماوەیەكی كەمدا توانرا كێشەكە چارەسەربكرێت و دۆخی هێڵەكە ئاساییبكرێتەوە، هەر ئەمڕۆ دۆخی پێدانی ئاو بە شاری سلێمانی ئاسایی بووەوە.
