کەشناسیی هەرێم رایگەیاند، ئەمڕۆ شەممە خێرایی با لە ناوچەکانی رۆژهەڵاتی هەرێم زیاددەبێت و خۆڵ دەبارێت.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان بڵاویکردەوە، ئەمڕۆ شەممە ئاسمان پەڵەهەور و نیمچەهەور دەبێت و لە ناوچە شاخاوییەکانی باکوری رۆژهەڵاتی هەرێم، ئەگەری کەمێک باران و هەورەتریشقە هەیە.
ئاماژەی بەوەشکرد، خێرایى با مامناوەند دەبێت (10 – 20)کیلۆمەتر لە کاتژمێرێکدا، هەندێک جاریش چالاک دەبێت بۆ سەرووی 30 کیلۆمەتر لە کاتژمێرێکدا، بەتایبەتی لە ناوچەکانی رۆژهەڵاتی هەرێم کە دەبێتەهۆی بەرزبوونی کەمێک تۆز و خۆڵ لە ناوچەکەدا.
دەشڵێت، پلەی گەرمی نزیکدەبێتەوە لە تۆمارکراوەکانی دوێنێ.
لەبارەی کەشی سبەی یەکشەممەوە، کەشناسیی هەرێم پێشبینیدەکات، ئاسمان بەگشتی ساماڵ دەبێت، لەگەڵ دروستبوونی هەندێک پەڵەهەور لە دواینیوەڕۆ و خێرایى با مامناوەند دەبێت (10 – 20) کیلۆمەتر لە کاتژمێرێکدا.
ئاماژە بەوەشدەکات، پلەی گەرمی کەمێک نزمدەبێتەوە بە بەراورد بە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 39 پلەی سیلیزی
سلێمانی : 37 پلەی سیلیزی
دهۆک : 36 پلەی سیلیزی
کەرکوک : 41 پلەی سیلیزی
زاخۆ : 37 پلەی سیلیزی
هەڵەبجە : 39 پلەی سیلیزی
سۆران : 36 پلەی سیلیزی
حاجی ئۆمەران :25 پلەی سیلیزی
گەرمیان : 43 پلەی سیلیزی
