سەرۆکی لیژنەی ماددەی 140 لە ئە نجومەنی نوێنەرانی عێراق، رایدەگەیەنێت، “هەر خێزانێک پارچە زەوییەکی پێدەدردرێت”.
د. شاخەوان عەبدوڵا، سەرۆکی لیژنەی ماددەی 140 لە ئە نجومەنی نوێنەرانی عێراق رایگەیاند، دوابەدوای نووسراومان ژمارە 61 لە 14ی نیسانی 2025 و کۆبونەوەمان لەگەڵ سەرۆکی لیژنەی ماددەی 140ی حکومی لە 20ی نیسان، رەزامەندیمان وەرگرت هەرخێزانێکی کوردی گەڕاوە بۆ کەرکوک و ناوچەکانی دەرەوەی هەرێم و ئەوانەی ماددەی 140 پارچەیەک زەوییان پێبدرێت.
وتیشی، “ئەم بڕیارە ئەو خێزانانەش دەگرێتەوە کە مامەڵەکانیان تەواوکردووە، بەڵام قەرەبووی 10 ملیۆنەکەیان وەرنەرگرتووە، سەرجەم ناوچەکانیش دەگرێتەوە لە شنگال تاوەکو خانەقین و بۆ جێبەجێ کردنی بڕیارەکە نووسراو ئاراستەی پارێزگاکان کراوە”.
