هەڤاڵ سدیق گەڵۆزی شارەزا لە بواری كەشناسی رایگەیاند، خۆڵبارین لە چەند ناوچەیەك دەستپێدەكاتەوە و پلەكانی گەرما بەرزدەبنەوە.
وتیشی،” لە سبەینێوە پلەكانی گەرما بەرزبوونەوە بەخۆیەوە دەبینێت و چوار پلەی سیلیزی بەرزدەبێتەوە و لە رۆژانی داهاتوو كاریگەریی ئەو گەرمایە زیاتردەبێت و بەهۆی بەرزیی شێ و تیشكی سەرووی وەنەوشەیی، لەگەڵ دروستبوونی هەور لە سەرجەم ناوچە جیاوازەكانی هەرێمی كوردستان پلەكانی گەرما بەرزبوونەوەی زیاتر بەخۆوە دەبینێت.
دەشڵێت، “لە رۆژانی شەممە و یەكشەممە و دووشەممەی داهاتوو بای باشووری رۆژئاوا دووبارە لە ناوچەكانی باشوور و ناوەڕاستی عێراق چالاك دەبێتەوە و ئەگەری خۆڵبارین هەیە و لە ناوچەكانی هەرێم خێرایی با لە نێوان 25 – 35 كیلۆمەترە لە كاتژمێرێكدا و پێشبینیدەكرێت كاریگەریی خۆڵبارین بگاتە بەشێك لە ناوچەكانی ئیدارەی گەرمیان و كەركوك و بەشێك لە ناوچەكانی باشووری هەولێر و موسڵ”.
