داوامان لە بەغداد كردووە چارەنووسی 59 مووچە پاشەكەوتكراوەكە یەكلابكرێتەوە
یەكێتیی مامۆستایان لە رێگای یاداشتێكەوە داوا لە بەرپرسانی حكومەتی عێراق دەكات چارەنووسی مووچە پاشەكەوتكراوەكان یەكلابكرێتەوە.
عەبدولواحید محەمەد، سەرۆكی رێكخراوی یەكێتیی مامۆستایانی كوردستان لە لێدوانێكدا بە تۆڕی میدیایی ئێستای راگەیاند، لە رێگای یاداشتێكەوە داوامان لە حكومەتی هەرێم و بەرپرسانی بەغداد كردووە چارەنووسی 59 مووچە پاشەكەوتكراو و نەدراوەكە یەكلابكرێتەوە.
راشیگەیاند، داواكارییەكانمان بە نووسراو خستووەتە بەردەم بەرپرسانی عێراق كە پێویستە چارەنووسی مووچە پاشەكەوتكراوەكان یەكلابكرێَتەوە بە جۆرێك كە بخرێتە سەر هەژمارێكی بانكی و مامۆستایان لێی سوودمەندبن.
