کەمێک لەمەوبەر دۆناڵد ترەمپ سەرۆکی ئەمریکا گەیشتە دەوحەی پایتەختی قەتەر.
دواینیوەڕۆی ئەمڕۆ چوارشەممە دوای کۆتاییهاتنی سەردانەکەی بۆ سعودیە، دۆناڵد ترەمپ گەیشتە دەوحەی پایتەختی قەتەر.
بڕیارە لە سەردانەکەیدا لەلایەن شێخ تەمیم بن حەمەد ئال سانی میری وڵاتەکە پێشوازی لێبکرێت و لەبارەی پرسی هاوکاری و هەماهەنگی ئابووری و سەربازی گفتوگۆبکەن.
هاوکات بڕیارە ئەو فڕۆکەیەی چەند رۆژێکە بووەتە باسی میدیا جیهانییەکان لەلایەن میری قەتەرەوە بە دیاری پێشکەش بە ترەمپ بکرێت.
سەردانەکەی ترەمپ بۆ قەتەر یەک رۆژ دەخایەنێت و سبەینێ دەگاتە ئەبوزەبی پایتەختی ئیمارات.
