بەڕێوەبەرایەتیی گشتیی كارەبای سلێمانی رایدەگەیەنێت، دوو پڕۆژەی گرنگی كارەبا لە سلێمانی جێبەجێدەكرێت.
بەڕێوەبەرایەتیی گشتیی كارەبای سلێمانی لە راگەیەندراوێكدا ئاماژەی بۆ ئەوە كردووە، دوو پڕۆژەی گرنگی كارەبا لە سلێمانی جێبەجێدەكەن كە پێكهاتوون لە پڕۆژەی راكێشانی هێڵی 132 كەی ڤی بۆ بەستنەوەی وێستگەی كارگەی ئاسنی سەبائك حەدید بە تۆڕی كارەبای نیشتمانی بە درێژایی 12 كیلۆمەتر و بە تێچوونی زیاتر لە حەوت ملیار دینار جێبەجێدەكرێت كە وێستگەكانی تانجەرۆ و پێنجوێن و ئەزمڕ و دەربەندیخان بە یەكەوە دەبەستێتەوە.
هەر لە راگەیەندراوەكەدا هاتووە، پڕۆژەی دووەم دامەزارندنی وێستگەی 132 كەی ڤیی سەبائك حەدید 132 كەی ڤی و دانانی گۆڕەڕێكی 33 كەڤییە كە بە تێچوونی زیاتر لە شەش ملیار دینار لەلایەن كۆمپانیای فیكتومەوە جێبەجێدەكرێت.
