کەسێک لە پارێزگای بەسرە دەستگیرکرا، کە دوای یاریی کلاسیکۆ، هاندەرێکی بە دەمانچە کوشتووە.
میدیا عێراقییەکان لەوبارەیەوە بڵاویانکردووەتەوە، دوای کۆتاییهاتنی یاریی کلاسیکۆی نێوان بارسێلۆنا و ریاڵ مەدرید، لە ناوەڕاستی شاری بەسرە شەڕ و پێکدادان لەنێوان هاندەرانی هەردوولا دروستبووە.
ئاماژەیان بەوەشکرد، هێزە ئەمنییەکان کەسێکیان دەستگیرکرد کە لەوکاتەدا، هاندەرێکی تەمەن 29 ساڵی بە دەمانچە کوشتووە.
رۆژی یەکشەممە، یاریی کلاسیکۆی نێوان بارسێلۆنا و ریاڵ مەدرید، بە بردنەوەی بارسێلۆنا کۆتاییهات و لە بەشێک لە شارەکانی عێراق، بەتایبەتیش بەسرە، دوای کۆتاییهاتنی گرژی و ئاڵۆزی لەنێوان هاندەرانی هەردوولا دروستبوو.
