د. میران محەمەد، رایدەگەیەنێت، “یەکێتی دەیەوێت دەنگ و کورسیی کورد کەم نەکات”.
د. میران محەمەد، ئەندامی پەرلەمانی کوردستان بە رۆژنامەنووسانی راگەیاند، ئامانجی یەکێتی لە رابردوودا ئەوە بوو لە ناوچە کوردستانییەکانی دەرەوەی ئیدارەی هەرێم زۆرترین کورسی بەدەستبهێنێت، بۆ ئەوەی خەڵک لەو نەهامەتییە رزگاربکەین ئەوەبوو پارێزگاری کەرکوکمان بەدەستهێنا.
وتیشی، ئێستاش یەکێتی هەمان ئامانجی هەیە و دۆخەکە هەستیارە، هەر شتێک بۆ کورد باشبێت و دەنگی کورد کەم نەکات و ببێتە هۆی زیادکردنی کورسیی کورد پشتگیری لێدەکەین.
