لە رووداوێکی هاتوچۆدا لەسەر رێگای هەڵەبجە- سیروان هاوڵاتییەک گیانیلەدەستدا.
بەڕێوەبەرایەتیی هاتوچۆی هەڵەبجە بڵاویکردەوە، بەیانی ئەمڕۆ لە نزیک بازگەی زەمەقی رووداوێکی هاتوچۆ لەنێوان ئۆتۆمبێلێک و ماتۆڕسکیلێکدا روویدا و لە ئەنجامدا ماتۆڕسوارەکە گیانیلەدەستدا.
ئاماژەی بەوەشکرد، شۆفێری ئۆتۆمبێلەکە بەپێی ماددەی 24 ی هاتوچۆ راگیراوە و پەڕاوی لێکۆڵینەوە بۆ رووداوەکە کراوەتەوە.
ئەو کەسەی لە رووداوەکەدا گیانیلەدەستداوە، ناوی قادر ئەحمەدە و تەمەنی نزیکەی 60 ساڵان دەبێت و دانیشتووی قەزای شارەزوورە.
