نەوزاد شێخ كامیل بەڕێوەبەری گشتیی بازرگانیی هەرێم رایدەگەیەنێت، حكومەتی عێراق بڕیاریداوە تەواوی گەنمی جووتیاران وەربگرێت و چاوەڕواندەكرێت ئەو بڕیارە هەرێمی كوردستانیش بگرێتەوە.
راشیگەیاند، لە سەرەتادا 400 هەزار تۆنمان بۆ دیاریكرابوو كە لە جووتیاران وەربگرین و لە كۆبوونەوەی ئەنجومەنی وەزیراندا عێراقدا بڕیاردراوە كە تەواوی گەنمی جووتیاران وەربگرێت.
ئاماژەی بۆ ئەوەش كرد، ئێمە 400 هەزار تۆن گەنم لە جووتیاران وەردەگرین و دواتر لەگەڵ ئەنجومەنی وەزیرانی عێراق و وەزارەتی بازرگانیی عێراق لەسەر هێڵ دەبین تاوەكو ئەو بڕە دەمێنێتەوە لە جووتیاران وەربگرین.
