عەقید بەختیار محەمەد بەڕێوەبەری راگەیاندن لە بەڕێوەبەرایەتیی هاتوچۆی سلێمانی رایگەیاند، بڕیارەكەی وەزارەتی ناوخۆ لە كاتێكی گونجاودا دەركراوە و بەپێی بڕیارەكە 74 جۆر ئۆتۆمبێلی كارەبایی و هایبرید وەكو تاكسی تۆماردەكرێن.
راشگەیاند، بڕیارەكەی وەزارەتی ناوخۆ بۆ تۆماركردنی تاكسیی نوێ ئارەزوومەندایە و زۆرەملێ نییە.
وتیشی، “ئەو بڕیارە كە دەركراوە كۆمپانیاكان ناتوانن بازاڕی ئۆتۆمبێلی تاكسی هاوشێوەی پێشتر قۆرخبكەن”.
