بڕیارە ئەمڕۆ ئەنجومەنی وەزیرانی هەرێمی کوردستان بە سەرپەرشتیی مەسرور بارزانی، سەرۆک وەزیرانی هەرێم و ئامادەبوونی قوباد تاڵەبانی، جێگری سەرۆک وەزیران کۆببێتەوە.
بەپێی زانیارییەکان، یەکێک لە تەوەرەکانی کۆبوونەوەکە پرسی مووچەی مانگی رابردووی مووچەخۆر و فەرمانبەرانی هەرێمی کوردستان و کەمکردنەوەی تێچووی بەکارهێنانی کارەبایە لە پرۆژەی کارەبای 24 کاتژمێری.
کۆبوونەوەکە کاتژمێر 10ی بەیانی دەستپێدەکات و بڕیارە تاوەکو کاتژمێر 12ی نیوەڕۆ بەردەوامبێت.
بەپێی زانیارییەکان، لە کۆبوونەوەکەدا وەزارەتەکان و لایەنەکانی نەبەستراو بە وەزارەتەکان، بۆ هەماهەنگی و هاریکاریی دەستەی هاوبەشی وردبینیی هەردوو دیوانی چاودێریی دارایی فیدراڵ و هەرێمی کوردستان رادەستپێردرێن.
