شارەزایەکی بواری کەشناسی و بومەلەرزەزانی رایدەگەیەنێت، لە ماوەی هەفتەیەکدا رەنگە بومەلەرزەیەک لە چەند ناوچەیەکی هەرێم رووبدات.
سیروان ساڵح، شارەزای بواری کەشناسی و بومەلەرزەزانی رایگەیاند، بەهۆی بەردەوامیی جوڵەی پلێتەکان و کۆبوونەوەی وزەی ناوەکی، ئەگەری بومەلەرزەیەک لەنێوان پلەی (+3 تا +4) هەیه بە پێوەری رێختەر، لەماوەی نێوان ئەم کاتە، هەتاوەکو هەفتەیەک.
ئەو شارەزایە دەشڵێت، بومەلەرزەکە مەترسیی لێناکەوێتەوە و ئەم ناوچانەی خوارەوە، ئەو شوێنانەن کە پێشبینیدەکرێت بومەلەرزەکەیان تێدا رووبدات:
– نێوان کەرکوک، چەمچەماڵ، هەولێر و سلێمانی.
– ناوچه سنوورییەکانی خۆرهەڵاتی گەرمیان و هەڵەبجە، تا دەگاتە پێنجوێن.
– ناوچەکانی باکوور و خۆرهەڵاتی دەریاچەی دووکان.
