لە سنووری گەرمیان چوار کەس بە تۆمەتی تەقەکردن و دروستکردنی مەترسی بۆسەر گیانی هاوڵاتییان دەستگیرکران.
بەڕێوەبەرایەتیی پۆلیسی گەرمیان بڵاویکردەوە، شەوی رابردوو لەگەڕەکی شەهیدان، ئازادی و ئاوارەکانی قەزای کەلار دوو تۆمەتبار بە ماتۆڕسکیل لەناو شار دەسوڕانەوە و بە چەک تەقەیان دەکرد و ببوونە هۆی دڵەڕاوکێ و بێزارکردنی هاوڵاتییان و مەترسییان لەسەر گیانی هاوڵاتییان دروستکردبوو.
ئاماژەی بەوەشکرد، بەیانی ئەمڕۆ تۆمەتبارەکان لەلایەن پۆلیسەوە دەستگیرکراون و دەست بەسەر چەک و ماتۆڕسکیلەکەیاندا گیرا، لەئێستادا بە بڕیاری دادوەر و بەپێی مادەی 495 لە یاسای سزادانی عێراقی بەندکراون و لێکۆڵینەوە لەگەڵیان بەردەوامە.
جەختیشیکردەوە، هەفتەی رابردوو لەسەر هەمان تۆمەت پۆلیس دوو تۆمەتباری دیکەی دەستگیرکرد و بەهەمان ماددە بەندکراون و رووبەڕووی یاسا کراونەتەوە.
