کرێکارێک لەکاتی کارکردن گیانیلەدەستدا و کرێکارێکی دیکەش برینداربوو.
بەڕێوەبەرایەتیی پۆلیسی زاخۆ، لە راگەیەندراوێکدا بڵاویکردەوە، بەیانیی ئەمڕۆ هەینی کرێکارێکی خەڵکی رۆژئاوای کوردستان، لەکاتی کارکردن لە یەکێک لە پرۆژەکانی نیشتەجێبوون لەسەر بینایەک کەوتە خوارەوە و گیانیلەدەستدا.
پۆلیسی زاخۆ دەشڵێت، ئەو کرێکارە تەمەنی 25 ساڵە، لەگەڵ کرێکارێکی دیکەدا لە نهۆمی چواری بینایەک لەسەر ئەسکەلە کەوتوونەتە خوارەوە و بەهۆی سەختی برینەکەیەوە دوای گەیاندنی بە نەخۆشخانە گیانیلەدەستداوە و کرێکارەکەی دیکەش بە سەختی بریندارە.
