بەڕێوبەرایەتیی گشتیی دژەتیرۆر بە هاوبەشیی لەگەڵ فەرمانگەی ئاسایش و هەواڵگریی سەر بە وەزارەتی بەرگریی عێراق و هێزی پیادەی سەر بە سوپای عێراق، توانیان ژمارەیەك چالاكی دژ بە پاشماوە و شانە نوستووەكانی تیرۆریستان ئەنجامبدەن.
لە ئۆپەراسیۆنێكدا توانرا ژمارەیەك تیرۆریست دەستگیربكرێن كە هاوكاریی راستەوخۆی پاشماوە چەكدارییەكانی ڕێكخراوی تیرۆرستی بەناو دەوڵەتی ئیسلامییان كردووە، دەستبەجێ رێكاری یاساییان بەرامبەر گیرایەبەر.
هەر لە راگەیەندراوەكەی بەڕێوەبەرایەتیی گشتیی دژەتیرۆردا هاتووە، لە درێژەی چالاكییەكاندا توانرا ژمارەیەك حەشارگە و مۆڵگەی تیرۆریستان دەستنیشانبكرێت و مەترسیی ئەو گروپانە لەسەر ناوچەكە كۆتایی پێبهێنرێت.
ئەوەشخراوەتەڕوو، بەڕێوەبەرایەتیی گشتیی دژەتیرۆر و هاوبەشە ناوخۆیی و بیانییەكانی بێ وەستان و ماندووبوون بەردەوامدەبن لە شوێنكەوتن و ڕاوەدوونانی هەر كەس و گروپ و رێكخراوێك كە ببێتە مەترسی بۆ سەر ئاسایشی هاوڵاتییان لە سەرانسەری عێراق و هەرێمی كوردستان.
