ژووری بازرگانیی سلێمانی رایدەگەیەنێت، “گەورەترین پێشانگای هەلی کار لە سلێمانی دەکرێتەوە”.
ژووری بازرگانیی سلێمانی بڵاویکردەوە، زانکۆی پۆلیتەکنیکیی سلێمانی بە هاوبەشی لەگەڵ رێکخراوی کاری نێودەوڵەتیی (IOL) و وەزارەتی کاروباری کۆمەڵایەتی و بە پاڵپشتیی داراییی یە کێتیی ئەورووپا گەورەترین پێشانگای هەلی کار 2025 بە ناونیشانی (داهاتووت مسۆگەر بکە: پێشانگای هەلی کار و تۆربەندی لە سلێمانی) دەکاتەوە.
دەشڵێت، “ئەم بۆنەیە دەرفەتی تۆربەندی و دامەزراندن لە نێوان کارخوازان و خاوەنکارەکان دەڕەخسێنێت بۆ دامەزراندنی خوێندکاران و دەرچووانی زانکۆی پۆلیتەکنیکیی سلێمانی و کارخوازان بە شێوەیەکی گشتی لە پسپۆڕییە جیاوازەکاندا”.
ئاماژە بە ئەوەشدەکات، “ئەم پێشانگایە زیاتر لە 50خاوەنکار و زیاتر لە هەزار خوێندکار و دەرچووی زانکۆ بۆ خۆی رادەکێشێت کە بە دوای کاردا دەگەڕێن، دەرفەتی بەشداریکردن زیاتر بۆ ئەو کۆمپانیایانەیە کە لە رۆژی پێشانگاکەدا دەرفەتی کاریان هەیە بۆ دەرچووانی زانکۆ و پەیمانگاکان و گەنجان بە گشتی”.
پێشانگای هەلی کار لە چواری ئایاری 2025 لە کارگەی کەلتووری لە کاتژمێر 10ی بەیانی بۆ پێنجی ئێوارە بەڕێوەدەچێت.
