بەڕێوەبەری بەنداوی دوكان رایدەگەیەنێت، ئەمساڵ بەهۆی كەمبارانییەوە بڕێكی زۆر كەم داهاتی ئاو كۆكراوەتەوە و رۆژانە ئاستی ئاوی بەنداوی دوكان دوو سانتیمەتر دادەبەزێت.
كۆچەر جەمال، بەڕێوەبەری بەنداوی دوكان رایگەیاند، ئەمساڵ تەنها 205 ملیم باران لە دوكان باریوە و بە بەراورد بە ساڵانی رابردوو زۆر كەمە و لەگەڵ ئەوەشدا بەردانەوەی ئاوی خواردنەوە بۆ هاوڵاتییان بەردەوامدەبێت.
راشیگەیاند، ئاوی بەنداوی دوكان بەشێكی بۆ شارەكانی ناوەڕاست و خوارووی عێراقە و دەمانەوێت بڕێكی زیاتر ئاو لە بەنداوی دوكان بهێڵینەوە و لە كۆبوونەوەكانمان لەگەڵ بەغداد گفتوگۆی توند لەسەر بەردانەوەی بڕی ئاوی بەنداوی دوكان دروستدەبێت.
