ئەندامێكی ئەنجومەنی نوێنەرانی عێراق رایدەگەیەنێت، بڕیارە لە سبەینێوە نەوتی سپی بۆ هەرێمی كوردستان بنێردرێت و لە چەند رۆژی داهاتوودا دەست بە دابەشكردنی بكرێت.
چرۆ حەمە شەریف، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بڕیارە لە سبەینێوە 80 تانكەر لەو نەوتە سپییەی كە لەلایەن عێراقەوە بڕیاری لەسەر دراوە بۆ هەرێمی كوردستان بنێردرێت و لە چەند رۆژی داهاتوودا راستەوخۆ دەست بەدابەشكردنی دەكرێت.
وتیشی، “چاوەڕواندەكرێت ئەو نەوتە سپییەی كە دەنێردرێت لە هەڵەبجە، خورماڵ، سەیدسادق، شارەزوور و سلێمانی بەسەر هاوڵاتییاندا دابەشبكرێت”.
