لە میانەی بەشداریکردنیان لە پرسەی پاپا فراسیسکۆ پاپای ڤاتیکان لە رۆمای پایتەختی ئیتاڵیا دۆناڵد ترەمپ سەرۆکی ئەمریکا و ڤۆلۆدمێر زلێنسکی سەرۆکی ئۆکرانیا کۆبوونەوە.
ڤۆلۆدمێر زلێنسکی لە نووسراوێکدا کە لە تۆڕی کۆمەڵایەتیی تێلەگرام بڵاویکردەوە رایگەیاند، کۆبوونەوەیەکی باشمان ئەنجامدا، قسەمان لەسەر زۆر پرس کرد، هیوادارین بمانگەیەنێت بە ئەنجام.
ئاماژەی بەوەشکرد، کۆبوونەوەکە 15 خولەکی خایاند، قسەمان لەسەر پاراستنی رۆحی گەلەکەمان، گەیشتن بە ئاگربەستی هەمیشەیی بێمەرج ئامادەکردنی رێککەوتننامەیەکی هەمیشەیی کە رێگری لە دووبارە بوونەوەی جەنگ بکات.
ئاشکراشیکرد، ئەگەر بتوانین بگەینە ئەنجام ئەم دانیشتنە دەبێتە دانیشتنێکی مێژوویی.
