کەشناسیی هەرێم رایگەیاند، “ئەمڕۆ لە چەند ناوچەیەک خۆڵ و باران پێکەوە دەبارێن”.
بەڕێوەبەرایەتیی گشتیی کەشناسی و بومەلەرزەزانیی هەرێم، لە راگەیەندراوێکدا بڵاویکردەوە، ئەمڕۆ پێنجشەممە، ئاسمان هەور دەبێت لەگەڵ بوونی تۆزوخۆڵ لە کەشدا و ئەگەری بارینی نمەبارێنێکی کەم بە تێکەڵی لەگەڵ خۆڵ لە ناوچەی جیاجیا هەیە، لە ناوچە شاخاوییەکانی باکوور ئەگەری بارانبارین زیاترە ، پلەی گەرمی بە نزیکی 2 بۆ 4 پلە بەراورد بە تۆمارەکراوەکانی دوێنێ نزمتردەبێت.
باس لەوەشدەکات، “سبەینێ هەینی ئاسمان هەور دەبێت، لەگەڵ بوونی تۆزوخۆڵ لە کەشدا، پلەی گەرمی لە تۆمارکراوەکانی ئەمڕۆ نزیکدەبێتەوە”.
پلەی گەرمیی پێشبینیکراو بە پلەی سیلیزی:
هەولێر : 30 پلەی سیلیزی
سلێمانی : 29 پلەی سیلیزی
دهۆک : 29 پلەی سیلیزی
کەرکوک : 33 پلەی سیلیزی
زاخۆ : 30 پلەی سیلیزی
هەڵەبجە : 30 پلەی سیلیزی
سۆران : 27 پلەی سیلیزی
حاجی ئۆمەران : 16 پلەی سیلیزی
گەرمیان :36 پلەی سیلیزی
