بافڵ جەلال تاڵەبانی لە دەباشان پێشوازی لە باڵیۆزی ژاپۆن لە عێراق كرد.
بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە ئەكیرا ئیندۆ، باڵیۆزی ژاپۆن لە عێراق كرد.
لە كۆبوونەوەكەدا كە دەرباز كۆسرەت رەسوڵ، لێپرسراوی مەكتەبی پەیوەندییەكان ئامادەیبوو، دوایین گۆڕانكارییەكان لەسەر ئاستی رۆژهەڵاتی ناوەڕاست تاوتوێكرا و جەخت لە چارەسەركردنی ئاشتییانەی كێشەكان كرایەوە.
هاوکات، هەردوولا هاوڕابوون لەسەر فراوانكردنی هاریكاری و پەیوەندییەكانی نێوان هەرێمی كوردستان و ژاپۆن لەسەر هەموو ئاستەكان.
سەرۆك بافڵ باسی لە گرنگی بەشداریی كارای كۆمپانیا و وەبەرهێنەرانی ژاپۆن لە بازاڕەكانی هەرێمی كوردستان كرد و هیوای خواست وەبەرهێنانی زیاتر لە هەرێمی كوردستان بكەن بۆ بەهێزتركردنی ژێرخانی ئابوری و رەخساندنی هەلی كار.
