پارێزگاری کەرکوک رایگەیاند، “لەبەر بەرژەوەندیی هاوڵاتییان بازگەکان کەمدەکەینەوە”.
رێبوار تەها، پارێزگاری کەرکوک، بە تۆڕی میدیایی ئێستای راگەیاند، “بڕیارمانداوە بازگەکانی کەرکوک کەمبکەینەوە بەجۆرێک بازگەی دارەمان و ئاڵتون کۆپری دەکەین بە یەک”.
باسی لەوەشکرد، “بازگەکان بەجۆرێک رێکدەخەینەوە کە گرفتی هاتوچۆی هاوڵاتییان نەمێنێت و ئۆتۆمبێلە بارهەڵگرەکان گرفت بۆ بازگەکان دروست نەکەن”.
پارێزگاری کەرکوک ئەوەشی وت، “کار بۆ ئەوە دەکەین گرفتی سەرجەم گوند، قەزا و ناحیەکان پەیوەست بە بازگەکان چارەسەربکەین، هەر شتێک لە بەرژەوەندیی هاوڵاتییان بێت بڕیاری لەسەر دەدەین”.
