کارەبای سلێمانی ئاگادارییەک ئاراستەی هاوڵاتییانی چەند شوێنێک دەکات، کە بەهۆی جێبەجێکردنی پڕۆژەیەکەوە ئەمڕۆ کارەبایان نابێت.
بەڕێوەبەرایەتیی گشتیی کارەبای سلێمانی رایگەیاند، ئاگاداری ئاراستەی کارگەکانی سنووری عەربەت و مەیدانی دارفرۆشان و گوندەکانی دەمرکان و یەخیماڵی و یەکماڵە دەکەین کە ئەمڕۆ یەکشەممە 20ی نیسان کارەبایان نابێت.
ئاماژەی بەوەشدا، هۆکاری نەبوونی کارەبا لەو ناوچانە دەگەرێتەوە بۆ جێبەجێکردنی کاری سیم کێشی پڕۆژەی گۆڕینی بەشێک لە هێڵی 132 کەی ڤی لە هێڵی کارەبای دەربەندیخان – باشور و دەربەندیخان – ئەزمەڕ.
