راپۆرتێکی نوێ ئاشکرایدەکات لە ریزبەندی وڵاتانی جیهان بۆ بەهێزترین سوپاکان، ئەمریکا لە پلەی یەکەمدا دێت.
راپۆرتەکە لەلایەن پێگەی Global Firepower ی تایبەت بە کاروباری سەربازی لەسەر بنەمای 60 پێوەری جیاوازی مرۆیی و لۆجستی ئەنجامدراوە و تێیدا هاتووە، ئەمریکا لە پلەی یەکەمی بەهێزترین سوپای جیهاندا دێت، روسیا پلەی دووەم و چین پلەی سێیەمی گرتووە.
هەر بەپێی راپۆرتەکە هەریەکە لە وڵاتانی هیندستان، کۆریای باشوور، بەریتانیا، فەرەنسا، ژاپۆن، تورکیا و ئیتاڵیا پلەکانی چوارەم تا دەیەمیان گرتووە.
سەبارەت بە سوپای وڵاتە عەرەبییەکان راپۆرتەکە ئاشکرایکردووە، میسر لە پلەی یەکەمدا دێت سعودیە و جەزائیر پلەی دووەم و سێیەمیان گرتووە و عێراقیش لە پلەی چوارەمدا دێت.
