بەڕێوەبەرایەتیی پۆلیسی راپەڕین رایدەگەیەنێت، دوو تۆمەتباریان دەستگیرکردووە کە ئامێرێکی ئاساریان پێبووە و ویستوویانە لەناو بازاڕدا ساغیبکەنەوە.
بەپێی راگەیەندراوێکی بەڕێوەبەرایەتیی پۆلیسی راپەڕین کە وێنەیەکی دەست تۆڕی میدیایی ئێستا کەوتووە و تێیدا هاتووە، دوای بەدەستهێنانی زانیاری و بەدواداچوون، هێزەکانی پۆلیس لە نوسینگەی نەهێشتنی تاوانی پشدەر، بە هاوکاریی زانیاریی هەواڵگریی هێزەکانی کۆماندۆی کوردستان، دوو تۆمەتباریان دەستگیرکرد کە ئامێرێکی ئاساریان پێبووە و دەیانویست لەناو بازاڕدا ساغیبکەنەوە.
دەشڵێت، دوای دەستگیرکردنی تۆمەتباران، دەستیشگیرا بەسەر ئامێرەکەدا.
لە راگەیەندراوەکەدا ئەوەش هاتووە، دوای لێکۆڵینەوە لەگەڵیاندا لەبەردەم دادگا و پۆلیسدا، دانیاننا بە تاوانەکەیاندا و بە بڕیاری دادوەری لێکۆڵینەوە، بە ماددەی 24 لە یاسای شوێنەوار، راگیرکران و لێکۆڵینەوەش لەگەڵیاندا بەردەوامە.
