ئەندامێکی سەرکردایەتیی یەکێتیی نیشتمانیی کوردستان رایگەیاند، هەوڵەکانی پێکهێنانی کابینەی نوێی حکومەتی هەرێم چڕکراونەتەوە”.
پۆڵا سیروان تاڵەبانی، ئەندامی سەرکردایەتیی یەکێتیی نیشتمانیی کوردستان رایگەیاند، یەکێتیی نیشتمانیی هێزێکی کاریگەرە و پێگەی تایبەتی هەیە، هەربۆیە دەیەوێت بەپێی سەنگ و قەبارەی راستەقینەی خۆی بەشداری لە کابیەی نوێی حکومەتی هەرێمی کوردستاندا بکات.
وتیشی، “هەوڵەکانی پێکهێنانی کابینەی نوێی حکومەتی هەرێمی کوردستان چڕکراونەتەوە و یەکێتیش لەسەر پێکهێنانی کابینەی نوێ جدییە”.
ئەوەشی خستەڕوو، هەموو کاتێک کۆبوونەوەی نێوان لایەنەکان، هەنگاوێکی باشە و کۆبوونەوەشمان لەگەڵ پارتی دیموکراتی کوردستاندا پێشکەوتن و لێکتێگەیشتنی باشی هەیە و بەردەوامی دەبێت.
