ئەندامێکی ئەنجومەنی نوێنەرانی عێراق رایگەیاند، “کێشەکانی نێوان هەرێم و عێراق چارەسەربوون، لەوانە کێشەی مووچەی فەرمانبەران”.
موسەنا ئەمین، ئەندامی ئەنجومەنی نوێنەرانی عێراق رایگەیاند، لە ئێستادا کێشەکانی نێوان هەرێمی کوردستان و عێراق لە رێگای دادگای فیدراڵییەوە چارەسەرکراون و پەیوەندییەکانی نێوان هەردوولا ئاڵۆز نین و ئاسایین.
وتیشی، “ئەو کێشانەی تایبەت بە پرسی مووچە بوونیان هەبوو، لە ئێستادا چارەسەربوون و ئەو کێشانەی دەربارەی وەرگرتنی داهاتی ناوخۆ و سەرە مووچە لە کۆتایی مانگدا دروستدەبن کێشەی سیاسیی نین و کێشەی هونەرین”.
ئاماژەی بەوەشدا، لە ئێستادا محەمەد شیاع سودانی سەرۆک وەزیرانی عێراق، پەیوەندییەکی باشی لەگەل هەرێمی کوردستاندا هەیە و دەیەوێت پەیوەندییە باشەکانی لەگەڵ هەرێم بەردەوامبێت.
