وتەبێژی حكومەتی هەرێم رایدەگەیەنێت، لە دوو بۆ سێ رۆژی داهاتوودا لیستی مووچەی مانگی چوار بۆ بەغداد دەنێرێین و دەشڵێت، “لە دوای 25ی ئەم مانگەوە مووچە دابەشدەكەین”.
پێشەوا هەورامانی، وتەبێژی حكومەتی هەرێم لە لێدوانێكیدا رایگەیاند، وردەكارییە تەكنیكییەكانی لیستی مووچە ماوە و بابەتی تەرازووی پێداچوونەوە و داهاتی ناوخۆ یەكلادەكرێتەوە و لە دوو بۆ سێ رۆژی داهاتوودا لیستی مووچەی مانگی چوار بۆ بەغداد دەنێردرێت.
وتیشی، “تیمە تەكنیكییەكان كارەكانیان زۆر بە خێرایی تەواوكردووە و هیچ گرفتێك ناهێڵدرێت و لە دوای 25ی ئەم مانگەوە مووچە دابەشدەكەین”.
