دەزگای ئاسایشی هەرێم دەستبەسەرداگرتنی بڕێک دراوی ساختە و دەستگیركردنی دوو تۆمەتبار رادەگەیەنێت.
دەزگای ئاسایشی هەرێم رایگەیاند، دوای چاودێریکردن و بەدەستهێنانی زانیاری و بەدواداچوون، هێزەکانی ئاسایشی راپەڕین لە ناوچەی پشدەر، توانیان دوو تۆمەتبار بە ناوەکانی (س.ش.م.) و (و.ع.س.) دەستگیربكەن كە بڕی پازدە ملیۆن دیناری عێراقی ساختەیان لە جۆری (25) هەزاری پێبووە.
تۆمەتباران بەنیازبوون لەڕێگەی مامەڵەکردن لە بازاڕەکانی هەرێمی کوردستان ساغیبکەنەوە، وەك ئەوەی لە راگەیەندراوەكەدا هاتووە.
لەئێستاشدا بەفەرمانی دادوەری لێکۆڵینەوە و بە ماددەی (281) لە یاسای سزادانی عێراقی راگیراون و لێکۆڵینەوە لە دۆسیەکانیان بەردەوامە.
