وەزیری نەوتی عێراق رایدەگەیەنێت، لە گفتوگۆی بەردەوامدان بۆ هەناردکردنەوەی نەوتی هەرێمی کوردستان.
حەیان عەبدولغەنی، وەزیری نەوتی عێراق لە دیداری سلێمانی رایگەیاند، شەممەی داهاتوو وەفدێکی وەزارەتی سامانە سروشتییەکان سەردانی بەغداد دەکات و لەبارەی هەناردەکردنەوەی نەوتی هەرێم گفتوگۆدەکرێت.
وتیشی، گریبەستەکانی نەوتی هەرێم لەگەڵ حکومەتی عێراق جیاوازن و دەزانین تێچووی بەرهەمهێنانی نەوت لە هەرێم، بەهۆی شوێنی جوگرافییەکەیەوە زیاترە.
ئاماژەی بەوەشکرد، عێراق پێویستییەکی زۆری هەیە بۆ هەناردەکردنەوەی نەوتی هەرێمی کوردستان و لەئێستادا، سەرقاڵی دانانی میکانیزمێکین بۆ هەناردەکرنەوەی نەوت.
حەیان عەبدولغەنی ئەوەشی وت، “16 دۆلار بۆ تێچووی بەرهەمهێنانی هەر بەرمیلێک نەوت دیاریکراوە و لە بودجەشدا 400 هەزار بەرمیل نەوت دیاریکراوە کە هەرێم بەرهەمیبهێنێت”.
