وەهاب هەڵەبجەیی، بەڕێوەبەری گشتیی هێزەكانی دژەتیرۆر دەڵێت “وەك هەڵەبجەییەك و دواتر وەك كوردستانییەك پیرۆزبایی لە خۆم و هەڵەبجەییەكان و كوردستانییان دەكەم بەبۆنەی دەنگ لەسەردان و تێپەڕینی پڕۆژەیاسای بەپارێزگابوونی هەڵەبجە”.
وتیشی، ” بەپێویستی دەزانم سوپاسی فراكسیۆنی سەوز بكەم كە لەسەرەتاوە ماندوونەناسانە كاریانكردن بۆ سەرپێخستن و تێپەڕاندنی پڕۆژەكە، هەروەها سوپاسی تەواوی ئەو ئەندامانەی ئەنجومەنی نوێنەرانی عێراق بكەم كە پشتیوان و پاڵپشتی پڕۆژەكە بوون”.
باسی لەوەش كردووە، گرنگە لەبیرمان نەچێت كە تێپەڕاندنی پڕۆژەكە و بەپارێزگابوونی هەڵەبجە تەنها قۆناغی یەكەمە و لێرە بەدواوە كاركردن پێی و خزمەتكردنی هەڵەبجە وەك پارێزگایەك لە ئەستۆی حكومەتی عێراق و هەرێمە بەشێوەیەك كە لە ئاستی قوربانیدانی ئەم شارە و هاونیشتیمانییە دڵسۆزەكانیدا بێت”.
