مەكتەبی سیاسيی یەكێتی لە 37 یەمین ساڵڕۆژی كارەساتی ئەنفالدا پەیامێك بڵاودەكاتەوەو رایدەگەیەنێت،”حكومەت و پەرلەمان و هەمووان ئەركمانە كاربكەین بۆ سارێژبوونی یەكجارەكی زامەكانی قوربانیانی تاوانی جینۆسایدی ئەنفال”.
دەقی پەیامی مەكتەبی سیاسی ساڵڕۆژی تاوانی ئەنفالدا:
سی و حەوت ساڵ لەمەوبەر كوردستان رووبەڕووی دڕندانەترین تاوانی ئەنفال بووە ، كە ئامانج لێی جینۆسایدكردنی گەلەكەمان بوو لەسەر زێدی باو و باپیرانی خۆی
ئەم تاوانەی كە بەرامبەر بە خەڵكی بێدیفاعی گوند و دێهاتی كوردستان كرا ئازارێكە بێ كۆتاییە لە دڵ و دەروونی هەموواندا و لەبیرچوونەوەی هەرگیز ئاسان نییە كە لە چەند مانگێكی كەمدا 182 هەزار مرۆڤی كورد لە پیر و گەنج و منداڵ لە هەردوو رەگەز بەدڕندانەترین شێوە زیندە بەچاڵكران و دەیان هەزاری دیكە رووبەڕووی ژیانی كولەمەرگی ناو ئۆردوگا زۆرەملێكان كرانەوە.
لەم یادە پڕ لە سوێیەدا جارێكی دیكە تەئكیددەكەینەوە ئەركی هەمووانە لە هەرێمی كوردستان و عێراقیش هەوڵەكانمان چڕتربكەینەوە بۆ پێشكەشكردنی خزمەتگوزاریی بەو ناوچانەی بەهۆی تاوانی ئەنفالەوە زۆرترین زیانیان پێگەیشتووە و هەروەها ژیانێكی سەربەرزانە بۆ كەسوكاری شەهیدان و بێسەرو شوێن بووەكانی جینۆسایدی میللەتەكەمان دابینبكەین.
لە لایەكی ترەوە بەرپرسیارێتیی پەرلەمان و حكومەتی فیدراڵییشە ئەركە مرۆیی و دەستوورییەكانی خۆیان باشترجێبەجێبكەن بۆ سارێژبوونی یەكجارەكی زامەكانی قوربانیانی تاوانی جینۆسایدی ئەنفال.
درود بۆ شەهیدانی ئەنفال و سڵاو بۆ خۆراگریی كەسوكار و یادگاری شیرینینان
مەكتەبی سیاسی
یەكێتیی نیشتمانیی كوردستان
