بەڕێوەبەرایەتيی گشتیی ئاسایشی سلێمانیی بڵاویكردووەتەوە، ” لە چالاكییەكی هاوبەشی هێزەكانمان لەگەڵ هێزەكانی دەزگای دژەتیرۆری عێراق لە سنووری كەركوك گروپێكی تیرۆریستی داعش دەستگیركران كە دووانیان خۆكوژی بیانیبوون” .
بەپێی ڕاگەیەندراوێكی بەڕێوەبەرایەتیی گشتیی ئاسایشی سلێمانی كە بڵاویكردووەتەوە ، ” دوێنێ دووشەممە لە چالاكیەكی هاوبەشی هێزەكانمان لەگەڵ هێزەكانی دەزگای دژەتیرۆری عێراقی و دوای كۆكردنەوەی زانیاریی وورد سەبارەت بەگروپێكی تیرۆریستی سەر بە ڕێكخراوی داعش كە پێكهاتبوون لە ( دوو ) كەسی خۆكوژی بیانی و (یەك) كەسی گەیەنەر كە عێراقییە”.
لە ڕاگەیەندراوەكە هاتووە، “لە بۆسەیەكی هێزە هاوبەشەكەدا دەستگیركراون و تونرا سەرجەم پلانە تیرۆریستییەكانیان هەڵبوەشێندرێتەوە و پرۆسەكە لە سنووری پارێزگای كەركوك ئەنجامدراوە”.
