دواى دەرچوونى بڕیارى پێدانى زەوى بە مامۆستایان لەلایەن حکومەتى عێراقەوە، بە بڕیارى پارێزگاى کەرکوک مامۆستایانى خوێندنى کوردى سەر میلاکى هەرێم لە وەرگرتنى زەوى سوودمەند دەبن.
بڕیارەکە ئەمڕۆ بە ژمارە (597) و بە واژووى رێبوار تەها، پارێزگارى کەرکوک دەرچووە و ئاراستەى بەڕێوەبەرایەتیی گشتیی پەروەردەى شارەکە کراوە و تیایدا دەڵێت، مامۆستایانى بەشەکانى خوێندنى عەرەبى، کوردى، تورکمانى و سریانى فۆڕمى تایبەت بە وەرگرتنى زەوى پڕبکەنەوە.
پاش داواکارییەکانى مامۆستایان، مانگى رابردوو حکومەتى عێراق بڕیاریدا بە دابەشکردنى زەوى بەسەر مامۆستایان لە سەرجەم پارێزگاکانى عێراقدا، جگە لە پارێزگاکانى هەرێمى کوردستان.
دەقى بڕیارەکەى پارێزگاى کەرکوک:
