بەڕێوەبەری ئاوی سلێمانی رایدەگەیەنێت، کەمی رێژەی بارانبارین کاریگەریی لەسەر بەردانەوەی ئاوی ماڵان دەبێت و رەنگە بۆ چوار رۆژ جارێک کەمببێتەوە.
بەختیار تاهیر بەڕێوەبەری ئاوی سلێمانی رایگەیاند، کەمی رێژەی بارانبارین کاریگەری لەسەر سەرچاوەکانی ئاو و دابەشکردنی ئاو بەسەر هاوڵاتییاندا دەبێت.
ئاماژەی بەوەشکرد، ئێمە لە رۆژێکدا لەناو شاری سلێمانی 480 هەزار مەتر سێجا ئاومان پێویستە بە شێوەیەک هەر گەڕەکێک هەر 72 کاتژمێر جارێک ئاویان بۆ بەربدەینەوە، بەڵام ئێمە ناتوانین بگەین بەو ئاستە، لە کاتێکی ئاساییدا کە هیچ گرفتێکمان نەبێت لەهەرسێ سەرچاوەکەی ئاوەوە دەتوانین 300-320 هەزار مەتر سێجا ئاو دابینبکەین.
جەختیشیکردەوە، ئەگەری ئەوەهەیە نەتوانین لە هەر 72 کاتژمێر جارێکدا ئاو بۆ هاوڵاتییان دابینبکەین و کەمبکرێتەوە بۆ چوار رۆژ جارێک.
