قوباد تاڵەبانی جێگری سەرۆکی ئەنجومەنی وەزیرانی هەرێم رایگەیاند، بۆ کابینەی نوێی حکومەت وەزارەتەکان، پۆستەکان و دەموچاوەکانیش دەگۆڕێن ئەمە کارێکی ئاساییە.
قوباد تاڵەبانی رایگەیاند، دانوستانەکانی پێکهێنانی حکومەت رەنگە خاوبن، بەڵام گفتوگۆکان جدی و بەردەوام بوون و بە دڵسۆزی ئەنجامدراون و توانیومانە بگەیەنە ئەنجامێک لەسەر دیدگایەکی هاوبەش بۆ چۆنیەتی حکومڕانی.
ئاماژەی بەوەشکرد، لە قۆناغەکانی داهاتوودا دەتوانین لەسەر پێکهێنانی حکومەتەکە رێکبکەوین، نەک تەنها چۆنێتی حکومەتەکە.
جەختیکردەوە، بە دڵنیاییەوە حکومەتی داهاتوو گۆڕانکاری بەسەردادێت، چونکە هەڵبژاردن کراوە و خەڵكی دەنگی بەو دوو لایەنە داوە، هەر بۆیە بۆ کابینەی نوێی حکومەت وەزارەتەکان، پۆستەکان و دەموچاوەکانیش دەگۆڕێن ئەمە کارێکی ئاساییە.
