بەڕێوەبەرایەتیی هاتوچۆی هەولێر چەند رێنماییەکی بۆ شۆفێران بڵاوکردەوە بەمەبەستی خۆپاراستنیان لە زیانەکانی تەرزە.
بەڕێوەبەرایەتییەکە لە راگەیەندراوێکدا دەڵێت، بەهۆی دابەزینی پلەکانی گەرما، ئەمڕۆ لە چەند ناوچەیەکی سنوری پارێزگای هەولێر تەزرە باریوە و ئەگەری هەیە لە سەنتەری شاریش ببارێت.
هاتوچۆی هەولێر دەشڵێت، رێنمایی شۆفێران دەکەین، رەچاوی ئەم خاڵانە بکەن لەکاتی بارینی تەرزە:
1- لەکاتی بارینی تەرزە، نابێت شۆفێری بکرێت و ئەگەر لەکاتی شۆفێریدا بوویت، دەبێت راستەخۆ ئۆتۆمبێلەکەت لە کەناری شەقام بوەستێنیت، چونکە ئەم تۆپە بەفرە بچوکانە، دەبنەهۆی ئەوەی خلیسکان رووبدات و لێکخشانی تایەی ئۆتۆمبێل لەگەل شەقام و ئاستی بینین کەمببنەوە، ئەمەش ئەگەری روودانی رووداوی هاتوچۆ زیاددەکات.
2- ئۆتۆمبێلەکەت ببە گەراج یان شوێنێک سەقفی هەبێت یان دایپۆشە، بۆئەوەی راستەوخۆ تەرزەکە بەر ئۆتۆمبێلەکە نەکەوێت و شوشەکانی بشکێنێت، یان زیان بەر ئۆتۆمبێلەکەت بکەوێت.
