شارەزایەکی کەشناسی و بومەلەرزەزانی رایدەگەیەنێت، بومەلەرزەیەکی بەهێز باکوری زەریای ئەتڵەسیی هەژاندووە و رەنگە ئەمە ببێتەهۆی روودانی بومەلەرزەیەکی دیکە لە چەند ناوچەیەکیتر.
سیروان ساڵح، شارەزای بواری کەشناسی و بومەلەرزەزانی رایگەیاند، کەمێک پێش ئێستا لە کاتژمێر 05:09ـی ئێوارەی ئەمڕۆ پێنجشەممە، بومەلەرزەیەکی بەهێز بەگوڕی 6.8 پلە بە پێوەری رێختەر و لە قوڵایی 10 کیلۆمەتر، باکوری زەریای ئەتڵەسیی هەژاند.
دەشڵێت، ئەگەر زۆرە بەهۆی ئەم بومەلەرزەیەوە، جوڵەوزە بگوازرێتەوە بەرەو ناو حەوزی دەریای ناوەڕاست، باکوری کوردستان و سنورەکانی نێوان پلێتی عەرەبی و فارسی.
ئاماژە بەوەشدەکات، ئەگەر هەیە لەماوەی نێوان ئەم کاتە هەتاوەکو هەفتەی داهاتوو، بومەلەرزەیەکی سەرو پێنج پلە یان زیاتر، لەنێوان تورکیا و ئیتاڵیا و یۆنان، باکوری کوردستان و چەند ناوچەیەکی ئێران رووبدات.
