بڕیاری زیادکردنی باج بەسەر 180 وڵاتی جیهاندا جێبەجێکرا و یەکێک لەو شوێنانەش دورگەیەکە کە تەنها ئاژەڵی پەنگوینی لێدەژی.
ئەمڕۆ پێنجشەممە، میدیا جیهانییەکان بڵاویانکردووەتەوە، دوای ئەوەی دۆناڵد ترەمپ بە بڕیارێک باجی لەسەر چەندین وڵاتی جیهان و ناوچەکەدا بە رێژەی جۆراوجۆر زیادکرد، چەند دورگەیەکیش بەر بڕیارەکەی ترەمپ کەوتوون، لەکاتێکدا یەکێک لەو دورگانە تەنها پەنگوینی لێ دەژی.
ئاماژەیان بەوەشداوە، ئەو دورگانە بریتین لە دورگەی مەکدۆناڵدز و دورگەی هێرد کە چوار کیلۆمەتر لە ئوستراڵیاوە دوورن و هیچ مرۆڤێکیان لێ ناژی، بەڵکو تەنها شوێنی مانەوەی پەنگوینە، بەڵام لەگەڵ ئەوەشدا بەر بڕیارەکەی ترەمپ کەوتوون و بڕی %10ی باج دەیانگرێتەوە.
ئەوەشیان خستووەتەڕوو، بڕیارەکەی ترەمپ دەربارەی زیادکردنی رێژەی باجە بۆ ئەو وڵاتانەی کەرەستەی جۆراوجۆر هەناردەی ئەمریکا دەکەن و زیاتر لە 180 وڵات دەگرێتەوە، کە رێژەی باج لە هەندێکیاندا بەم جۆرەیە: عێراق %39 چین %34 سوریا %41 قەتەر، بەریتانیا، تورکیا، ئۆکرانیا، میسر و ئێران بەرێژەی %10.
