راوێژکارێکی سودانی رایدەگەیەنێت، “کاریگەریی پێناسی گومرگیی ئەمریکا لەسەر عێراق سفر دەبێت”.
مەزهەر محەمەد ساڵح، راوێژکاری محەمەد شیاع سودانی، سەرۆک وەزیرانی عێراق بۆ کاروباری دارایی و ئابوری رایگەیاند، “پێناسە گومرگییەکانی ئەمریکا نەوت و گاز ناگرێتەوە و لەبەر ئەوە کاریگەریی ئەو هەنگاوە لەسەر عێراق سفر دەبێت، هەروەها عێراق هیچ کاڵایەکی دیکەی هەناردەکراوی بۆ ئەمریکا نییە تاوەکو سزای گومرگیی بەسەردا بسەپینێت”.
وتیشی، 70%ی نەوتی عێراق بۆ چین و هندستان هەناردەدەکرێت،هەروەها عێراق 90٪ی کاڵا و پێداویستییە مەدەنییەکانی لە تورکیا، هیندستان، چین، ئیمارات و بەشێکی وڵاتانی ئەوروپا هاوردەدەکات، بەوپێیە ئەمریکا هاوبەشێکی زۆر لاوەکییە بەراورد بە هاوبەشە ئاسیایی و ئەوروپییەکان لە هاوردە و هەناردەدا.”
راوێژکارەکەی سودانی، باسی لەوەشکرد، “ئەو رێککەوتنە ستراتیژییەی ساڵی 2008 لەنێوان عێراق و ئەمریکا کراوە وایکردووە هەمیشە عێراق لە سزا قورسەکانی ئەمریکا سەلامەت بێت”.
