هەستیاریی وەرزی یەکێکە لەو کێشە تەندروستییانەی خەڵکێکی زۆر بەهۆیەوە دەناڵێنن، کە نیشانەکانی لە پژمە و کۆکە و خورانی قورگ، لووت و گوێ، گیرانی لووت، ئاوهاتنەخوار بە لووت و چاو خۆی دەبینێتەوە.
ماریانا کاستیلز کە پسپۆڕی نەخۆشییەکانی پەیوەست بە هەستیارییە لە زانکۆی هارڤارد رایگەیاند، ئەو کەسانەی کە هەستیاریی وەرزییان هەیە پێویستە پەیڕەوی کۆمەڵێک رێنمایی بکەن لەوانەش:
-لە ماڵەوە یان لەناو ئۆتۆمبێلدا پەنجەرەکانیان بە داخراوی بهێڵنەوە.
-لە کاتەکانی بەیانی زوو و لە دواینیوەڕۆ هەوڵبدەن لە ماڵەکانیان بمێننەوە و نەچنە دەرەوە.
– لەکاتی چوونە دەرەوە و گەڕانەوەیان خۆیان بشۆن و پۆشاکەکانیان بگۆڕن.
-بەکارهێنانی ئامێری شێدارکردنەوەی هەوای ناوماڵ.
-بەکارهێنانی چاویلکەی بەرخۆر.
-بەکارهێنانی دەرمانەکانی دژە هەستیاری.
