بڕیاره ئێوارهى ئهمڕۆ كاروانێكی دیكهی كۆچبهران له بیلاڕوسیاوه بگهڕێتهوه فڕۆكهخانهی نێودهوڵهتیی ههولێر.
پهیامنێرى تۆڕی میدیایی ئێستا له ههولێر گواستیهوه، ئهمڕۆ پێنجشهممه كاروانی شهشهمی كۆچبهرانی سنوورهكانى بیلاڕوسیا و پۆڵهندا له ڕێگەی فڕۆكهخانهی ههولێرەوە دهگاتەوە هەرێمی کوردستان.
بهپێی زانیارییهكانى ئێستا، كاروانی ئهمجاره نزیكهی 430 كۆچبهر دهبن و كاتژمێر 5:00ـی ئێواره فڕۆكهكهیان له فڕۆكهخانهى مینسك-ی پایتەختی بیلاڕوسیاوە دهگاتهوه ههولێر.
پێشتر ژمارهیهك كۆچبهرى دیكه له سنوورهكانى بیلاڕوسیا و پۆڵهنداوه گهڕاونهتهوه ههرێم، كه ژمارهیان نزیكەی ههزار و 500 كۆچبهر بووه، ئهویش دواى ئهوهى پۆڵهندا ڕێگهینهدا كۆچبهران له خاكى وڵاتهكهیهوه بپەڕنەوە بۆ وڵاتانى ئهوروپا.
