شارەزایەکى کەشناسى رایدەگەیەنێت، سبەى ئەگەرى باران لە زۆرینەى ناوچەکانى هەرێم هەیە بەڵام سێیەم رۆژى جەژن زۆربەى ناوچەکان خۆرەتاو دەبێت.
سالار حاجى عەلى، شارەزاى بواى کەشناسى بە تۆڕى میدیایى ئێستاى رایگەیاند، سبەى دووشەممە لە دووەم رۆژى جەژنى رەمەزاندا هەرێمى کوردستان دەکەوێتە ژێر کاریگەریی نزمە پاڵەپەستۆی دەریای سپی ناوەڕاست و دەریای سوورەوە و، بەهۆیەوە شەپۆلی بارانبارین زۆربەی ناوچەکان دەگرێتەوە و هەورەبروسەکە و لە هەندێک شوێنیش تاوەباران دەبێت.
سەبارەت بە کەشوهەواى سێیەم رۆژى جەژنیش ئەو شارەزایە دەڵێت، شەپۆلی باران لاواز دەبێت، زۆربەی ناوچەکان خۆرەتاو دەبێت، لەگەڵ پەڵەهەور و ئەگەری باران لە هەندێک ناوچەدا.
