نوێنەری مامۆستایانی گرێبەست لەبارەی دابەشكردنی مووچەی مانگی سێ-ی مامۆستایانی گرێبەستەوە روونكردنەوە دەدات.
عەلی رەئوف، نوێنەری مامۆستایانی گرێبەست لە لێدوانێكدا بە تۆڕی میدیایی ئێستای راگەیاند، حكومەت و وەزارەتی دارایی بەرپرسن لە دابەشنەكردنی مووچەی مامۆستایانی گرێبەست.
وتیشی، “حكومەتی هەرێمی كوردستان مووچەی ئێمەی لەسەر داهاتیی ناوخۆی هەرێمە؛ لە هەرێمی كوردستان و عێراقیش تەنها سێ هەزار و 933 مامۆستای گرێبەست نەبێت كە مووچەیان وەرنەگرتووە”.
ئەوەشیخستەڕوو، “تەنها مووچەی مامۆستایانی گرێبەست لەسەر داهاتی ناوخۆی هەرێمە و حكومەتی هەرێم ئەوەشی پێدابەش ناكرێت و بە نوسراوی فەرمی ئەنجومەنی وەزیرانیش بەڵێنی دابەشكردنی مووچەكانیان پێداین كە لەگەڵ فەرمانبەرانی هەرێم و مامۆستایانی سەر بە وەزارەتی پەروەردە دابەسبكرێت، بەڵام راستگۆ نەبوون”.
روونیشیكردەوە، “لە سەرانسەری عێراق تەواوی فەرمانبەرانی هەرێم مووچەیان وەرگرت، تەنها مامۆستایانی گرێبەستی هەرێم نەبێت كە مووچەیان پێنەدراوە”.
