لەگەڵ كردنەوەی بازاڕی ئاڵوگۆڕی دراودا، نرخی دۆلار گۆڕانكاریی بەسەردا هات و كەمێك بەرزبووەوە.
ئەمڕۆ شەممە نرخی دۆلار بەرانبەر بە دیناری عێراق گۆڕانكاری بەسەردا هات و كەمێك بەرزبوونەوەی تۆمار كرد بەراورد بە نرخەكەی پێش كردنەوەی بازاڕی ئاڵوگۆڕی دراو.
لە ئێستادا نرخی 100 دۆلاری ئەمریكی بەرانبەرە بە 147 هەزار و 500 دینار.
هەوڵەكانی حكومەتی عێراق بەردەوامن لە پێناو جێگیركردنی نرخی دۆلار و گێڕانەوەی بۆ كەمترین ئاستی نرخی خۆی و لەم چوارچێوەیەشدا حكومەتەكەی سودانی لە ڕێگای ئەنجامدانی چاكسازی لە بانكی رافدەین و بانكی ناوەندیی عێراق بەسەرپەرشتی چەند كۆمپانیایەكی ئەمریكی بەردەوامیان هەیە و عێراق دەیەوێت بە ئەنجامدانی چاكسازی گۆڕانكری لە مەلەفی نەوت و نرخی دۆلار بۆ هاوڵاتیان بكات.
