بەپێی ئەو زانیارییانەی بە تۆڕی میدیایی ئێستا دراون، بۆ دابەشكردنی مووچەی مانگی سێ، سەرجەم بانكەكان بەرووی مووچەخۆراندا كراوە دەبن تاوەكو بەر لە جەژن مووچەخۆران مووچەی مانگی سێ وەربگرن.
ئاماژە بۆ ئەوەش كراوە، بەشێك لە خانەنشینان و خاوەن پێداویستیی تایبەت كە مووچەیان دواكەوت گرفتەكەیان چارەسەركراوە و سەرجەمیان مووچەیان وەرگرتووە.
دوێنێ چوارشەممە، وەزارەتی دارایی هەرێم خشتەی مووچەی مانگی سێی بڵاوكردەوە كە سەرجەم مووچەخۆران بەر لە جەژن و لە ماوەی سێ رۆژدا مووچەكانیان وەردەگرن.
